સંખેડા તાલુકા ના ખંડુપુરા ખાતે વિશ્વ યોગ દિવસની ઉજવણી કરાઈવિશ્વ યોગ દિવસ નિમિત્તે જય શ્રી અંબે આશ્રમશાળા, ખંડુપુરા ખાતે આયુષ્માન આરોગ્ય મંદિર, ટીંબા દ્વારા યોગ દિવસની ઉજવણી કરવામાં આવી હતી.આ કાર્યક્રમમાં શાળાના વિદ્યાર્થીઓ, ગ્રામજનો તેમજ શિક્ષકોની ઉપસ્થિતિમાં યોગ સત્રનું આયોજન કરવામાં આવ્યું હતું. યોગ ઇન્સ્ટ્રક્ટર અને આરોગ્ય મંદિરના સ્ટાફ દ્વારા વિવિધ યોગાસનોનું પ્રદર્શન કરાવી ઉપસ્થિતોને યોગાભ્યાસ કરાવવામાં આવ્યો હતો.આયુષ્માન આરોગ્ય મંદિર, ટીંબાના ફાર્માસિસ્ટ શ્રી અરવિંદભાઈ રોહિતે યોગના સ્વાસ્થ્યલક્ષી ફાયદાઓ અંગે માર્ગદર્શન આપ્યું હતું. તેમણે લોકોને નિયમિત યોગ અપનાવી સ્વસ્થ જીવનશૈલી વિકસાવવા અનુરોધ કર્યો હતો.વધુમાં, તેમણે નજીકના આયુર્વેદ દવાખાના, ટીંબાની સેવાઓનો વધુમાં વધુ લાભ લેવા અપીલ કરી હતી. આયુર્વેદિક સારવારના ફાયદાઓ તેમજ આડઅસર રહિત ઉપચાર પદ્ધતિ અંગે માહિતી આપી ઉપસ્થિતોને આયુર્વેદ તરફ પ્રેરિત કરવામાં આવ્યા હતા.વિશ્વ યોગ દિવસના અવસરે યોગને દૈનિક જીવનનો અભિન્ન ભાગ બનાવવા સૌને અનુરોધ કરવામાં આવ્યો હતો.